خوښ ديک ۰

کروناویروس؛ افغانستان کې تازه پېښو کې دوه تنه مړه شوي

د افغانستان د عامې روغتیا وزارت وايي په تیرو ۲۴ ساعتونو کې په هېواد کې د کرونا ویروس شپږ مثبتې پېښې ثبت شوي او دوه نور مړه شوي دي.
کروناویروس؛ افغانستان کې تازه پېښو کې دوه تنه مړه شوي
روغتیا وزارت نن دوشنبه سپټمبر ۲۸ (تله اوومه) ویلي چې په تېرو ۲۴ ساعتونو کې د کرونا ویروس د ۲۲۴ مشکوکو سمپلونو معاینات شوي چې شپږ یې مثبت ثابت شوي دي.
د افغانستان د روغتیا وزارت د معلوماتو په اساس په دې سره په دغه هیواد کې د کرونا ویروس د ټولو مثبتو پېښو شمېر ۳۹۲۳۳ ته ورسېد.
د یاد وزارت د معلوماتو په اساس تر دامهاله په دغه هیواد کې له کرونا ویروس څخه ۱۴۵۵ تنه مړه شوي دي.
د رسمي شمېرو له مخې تر اوسه په افغانستان کې له کروناویروس څخه ۳۲۶۴۲ تنه بیرته جوړ شوي دي.
د افغانستان روغتیا وزارت تر دې مخکې ویلي وو که روغتیايي لارښوونې مراعت نشي د هوا په سړېدو سره د کروناویروس د یو بلې څپې راتلو امکان شته.
کرونا ویروس د لومړي ځل لپاره د ۲۰۱۹ کال په ډسمبر میاشت کې د چین د هوبي ایالت په ووهان ښار کې پیدا شو او بیا ټولې نړۍ ته خپور شو.
د امریکا د جانس هاپکینز پوهنتون د معلوماتو په اساس تر دا مهاله په نړۍ کې څه باندې ۳۳ میلیونه کسان په کرونا اخته شوي او څه باندې ۹۹۷زره نور ورڅخه مړه شوي دي.
سرچينه : د صدای افغان خبری آژانس(آوا)
دوشنبه ۷ میزان ۱۳۹۹ ساعت ۱۶:۱۲
د مطلب کود: 219735 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *