خوښ ديک ۰

دایکندي کې ماین چاودنې د ۱۴ ملکیانو ژوند واخیست

دایکندي ولایت کې ۱۴ تنه د طالبانو ماین چاودنه کې وژل شوي چې په کې ۷ ښځې، ۵ ماشومان او ۲ نارینه شامل دي.
دایکندي کې ماین چاودنې د ۱۴ ملکیانو ژوند واخیست
د کورنیو چارو وزارت وايي پېښه نن(سې شنبې د تلې په ۸مه  نېټه) د کجران ولسوالۍ په دشت سلیمان اباد سیمه کې شوې او په ترڅ کې یې ۳ ماشومان ټپیان شوي دي.
د یاد وزارت د خبرپاڼې په حواله پېښه هغه مهال شوې چې د ملکي کسانو د سورلۍ موټر پر ماین برابر شوی دی.
کورنیو چارو وزارت همداراز زیاته کړې چې تېرو شپږو میاشتو کې د طالبانو بریدونو پایله کې ۳۵۰۰ تنو ملکي کسانو ته مرګ ژوبله اوښتې ده.
طالبانو په دې تړاو څه نه دي ویلي.
سرچينه : د صدای افغان خبری آژانس(آوا)
سی شنبه ۸ میزان ۱۳۹۹ ساعت ۱۲:۵۹
د مطلب کود: 219774 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *