خوښ ديک ۰

د اسلامي حزب پلويانو د ډاکټر نجيب‌الله د تلين مراسمو د مخنيوي لپاره لاريون وکړ

د ګلبدين حکمتيار په مشرۍ د اسلامي حزب ګڼو پلويانو نن د لويې جرګې خېمې مخې ته لاريون وکړ او د ډاکټر نجيب الله احمدزي پلويانو ته يې اجازه ور نه کړه چې د نوموړي د تلين مراسم ترسره کړي.
د اسلامي حزب پلويانو د ډاکټر نجيب‌الله د تلين مراسمو د مخنيوي لپاره لاريون وکړ
تر دې وړاندې ويل شوي وو چې په پام کې ده، د ډاکټر نجيب الله د تلين مراسم د پنجشنبه په ورځ د لويې جرګې په خېمه کې ترسره شي.
پرون د ولسي جرګې په عمومي غونډه کې هم دغه موضوع جنجالي شوه، يو شمېر وکيلانو ټينګار کاوه چې نجيب هم افغان و او ملاتړي يې د اساسي قانون د ۳۶ماتې له مخې حق لري، د هغه د تلين مراسم ترسره کړي.
خو يو شمېر نورو وکيلانو بيا د دې مراسمو مخالفت کاوه او له حکومت يې غوښتنه وکړه چې د دې مراسمو د ترسره کېدو مخه ونيسي.
د يادولو ده چې ټاکل شوې وه، تېره اوونۍ هم د لويې جرګې خېمه کې د پخواني ولسمشر ډاکټر نجيب الله د تلين مراسم ترسره شي، خو مخالفينو يې د دې مراسمو د ترسره کېدو مخه ونيوله.
سرچينه : د صدای افغان خبری آژانس(آوا)
پنجشنبه ۱۰ میزان ۱۳۹۹ ساعت ۱۵:۵۰
د مطلب کود: 219938 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *