ملي دفاع وزارت وایي، د میدان وردګو ولایت جلرېز ولسوالۍ کې د کمانډویي ځواکونو د عملیاتو پایله کې، هغه سرتیري چې د کوټې عشرو کمپ کې ګیر پاتې وو، وژغورل شول.

دغه کمپ تېره چهارشنبه د طالبانو تر موټر بمب برید لاندې راغی، چې پایله کې یې څلور سرتیري ټپي شول. د دې کمپ سرپرست عبدالجبار په یو ویډیو کې ویلي و، د طالبانو محاصره کې راغلي، نه اوبه لري، نه ډوډۍ او نه کولی شي چې ټپيان روغتون ته ولېږدوي.
له دې وروسته ملي دفاع وزارت په یوې خبرپاڼه کې وویل، چې د دغو سرتېرو ستونزې ته به ژر ورسیږي.