دخپریدو نیټه :يکشنبه ۴ عقرب ۱۳۹۹ ساعت ۱۷:۴۲
د مطلب کود : 221382
تېرو ۲۴ ساعتونو کې ۶۵ تنه په کرونا ناروغۍ اخته شوي
د افغانستان د عامې روغتیا وزارت وايي، په تېرو ۲۴ ساعتونو کې په افغانستان کې ۶۵ کسان په کرونا ناروغۍ اخته شوي دي.
د عامې روغتیا وزارت زياته کړې، په دې سره په افغانستان کې په کرونا وايروس د اخته شوو کسانو شمېر ۴۰ زره ۸۳۳ کسانو ته ورسېد.
ډېری نوې پېښې ۱۹ هرات، ۱۰ بلخ، ۹ تخار، ۸ کابل، ۵ کندوز او څلور زابل کې ثبت شوې دي.
د دغه وزارت په خبره، په تېرو ۲۴ ساعتونو کې د کرونا ناروغۍ له کبله درې ناروغان مړه شوي دي چې په ټوليز ډول تر دې مهاله په افغانستان کې د کرونا ناروغۍ له کبله يو زر او ۵۱۴ تنه مړه شوي دي.
د عامې روغتیا وزارت وايي، په تېرو ۲۴ ساعتونو کې له کرونا ناروغۍ ۱۰۶ تنه رغېدلي دي، چې په دې سره د بېرته رغېدلو کسان شمېر ۳۴ زره او ۱۲۹ تنو ته ورسېد.
سرچينه : د صدای افغان خبری آژانس(آوا)
https://avapress.com/vdcdjf0xxyt0xs6.lb2y.html
تبصره پوسټ کړئ
ستاسو نوم
ستاسو دبرېښنا ليک پته