د بدخشان مرستيال والي او د فيض اباد ولسواليو يو شمېر استازو؛ د ولايت مقام د جوزجان د کرنيز کانال د ليدنې پر مهال اعلان وکړ، چې ډېر ژر به د دغه کانال د بيارغونې چارې پيل شي.

آوا - بدخشان: مولوي نثار احمد احمدي؛ د بدخشان مرستیال والي د سې شنبې په ورځ د غبرګولي په ۲۴مه د فیض اباد ولسوالیو له یو شمېر استازو سره د جوزجان د اوبو د کانال د تخنیکي ستونزو د څېړلو په موخه سیمې ته لاړ او له دغه کانال څخه یې له نږدې لیدنه او کتنه وکړه.
 
نثار احمد احمدي له آوا سره په مرکه کې وویل: "موږ دغه کانال له نږدې څېړلی او د اوس لپاره د دغه کانال اوبه له ښار سره د دوو واټرپمپونو (واټرپمپونو) له لارې نښلول کېږي چې ۱۲ انچه اوبه لېږدولای شي."
 
ښاغلي احمدي څرګنده کړه چې د دغه کانال د جوړولو کار به په راتلونکو ورځو کې پیل شي او دا مهال یو بل واټر پمپ ته اړتیا ده.
 
احمدي د فيض اباد اوسېدونکو ته ډاډ ورکړ، چې د جوزجان د کرنيز کانال په معاينه او ترميم کې به هېڅ ډول هڅې ونه سپموي.
 
د فيض اباد اوسېدونکي د بدخشان د مرستيال والي له کړنو خوښي څرګندوي.