د بدخشان سیمه ییز چارواکي وايي، د دغه ولایت په څو ولسوالیو کې سېلابونو ۱۰۵ کورونه نړولي دي.

آوا - مزارشریف: معاذ الدین احمدی؛ د بدخشان د اطلاعاتو او کلتور رییس نن یکشنبه (غبرګولي ۲۹) آوا ته وویل، چې تېر سېلابونو په وردوج کې ۲۵ کورونه، په جرم ولسوالۍ کې ۳۰ کورونه او په ارګو ولسوالۍ کې ۵۰ کورونه ویجاړ کړي او د دې ولسوالیو اوسېدونکي یې له اقتصاد پلوه سخت ځپلي دي.
 
د هغه په ​​وينا، سېلاب سمدستي راغى او خلک يې حيران کړل.
 
دغه راز د دې ولايت په کشم ولسوالۍ کې د تېرو دوو ورځو سېلابونو د دې ولسوالۍ د اوسېدونکو د غنمو او لوبيا فصلونه هم له منځه وړي دي.
 
د دې ترڅنګ د جمعې په ورځ د جوزا په ۲۷ مه د بدخشان په کشم ولسوالۍ کې هم دوه تنه د برښنا له امله خپل زوند له لاسه ورکړل.