تاریخ انتشار :يکشنبه ۲۹ جوزا ۱۴۰۱ ساعت ۱۱:۲۷
د مطلب کود : 254468
د افغانستان او هند په اړیکو باندې د هندوانو د وژنې اغیزې
آوا، په کابل کې د سیکانو پر یوه معبد باندې وروستي برید یو ځل بیا د افغانستان د امنیت په اړه د هند اندېښنې راپارولي او د امنیت په تامین کې د طالبانو د وړتیا په اړه یې شکونه راپورته کړي دي. دا خبره د هند د بهرنیو چارو وزارت د دغې پېښې په غبرګون کې کړې ده.
د سکهانو د ټولنې په درمسال کې یو هندو، یو امنیتي ساتونکي او یو ناپېژانده بریدګر ووژل شو.
 
دا په کابل کې د سیکانو وروستی پاتې شوی درمسال دی.
 
په افغانستان کې د سیکانو د ټولنې مشرانو په دې وروستیو کې اټکل کړی چې په ۱۹۷۰ لسیزه کې په افغانستان کې د سل زره نفوس درلود خو له ډلې څخه یوازې ۱۴۰ تنه سیکان پاتې دي.
 
هند، چې په نړۍ کې د سیکانو تر ټولو لوی نفوس لري، د برید په اړه "ژوره خواشیني" څرګنده کړي.
 
انارکلي هنریار؛ په پارلمان کې د سکهانو او هندوانو د ټولنې یوه پخواني غړي هم د برید په غبرګون کې لیکلي: «افغان هندوان او سیکان د دې خاورې اصلي اوسیدونکي دي. یو شمېر هېوادوالو ویلي، چې د کابل او ډیلي ترمنځ د نویو اړیکو له امله هندوان او سیکان په نښه کېږي.
 
د افغانستان سیکان او هندوان د نورو ټولنیزو او مذهبي ډلو په څیر د افغانستان څخه دي. دوی باید په خپل وطن کې د ژوند کولو مساوي او عادلانه حقونه ولري.
 
ټول قومي او مذهبي ډلې باید ددي احساس وکړي چې افغانستان د ټولو خلکو ګډ کور دی او هیڅوک باید د خپل دین، مذهب او قوم په خاطر ونه شړل شي او یا په خپل هېواد کې د خوندي، باامنه او سوله ییز ژوند له حق څخه محروم نه شي.
 
په دې ځانګړې قضیه کې د سکهانو او هندو لږکیو په بریدونو کې یو بل سیاسي انګیزه هم شامله ده او هغه د کابل او نوي ډیلي د اوسني حکومت ترمنځ د نږدې او دوستانه اړیکو د رامنځته کیدو مخنیوی دی.
 
د هند یو منځنی پلاوی په دې وروستیو کې د امنیتي وضعیت د ارزونې او د اسلامي امارت له چارواکو سره د خبرو په موخه کابل ته راغلی. له کابل څخه راستانه شوي پلاوي راپور ورکړ چې امنیت ښه شوی او طالبان له نړۍ سره خبرو ته چمتو دي.
 
هند په کابل کې د خپل سفارت د محدودو پرانستلو او له طالبانو سره د خپلو سیاسي او اقتصادي اړیکو د بیا پیلولو لپاره امکانات او زمینې ارزوي؛ داسې پرمختګ چې بې له شکه دواړو خواوو ته ګټه رسوي؛ ځکه چې له یوې خوا په نړۍ کې د طالبانو د دریځ په ټینګولو کې مرسته کوي او له بلې خوا د افغانستان په خاوره کې د جنګي قدرتونو د نیابتي جګړې د پای ته رسولو لامل ګرځي او په دې توګه د افغانستان امنیت کي ښه والي راځي.
 
په کابل کې د سیکانو پر یوه معبد وروستي برید یو ځل بیا د افغانستان د امنیت په اړه د هند اندېښنې راپارولي او د امنیت په تامین کې د طالبانو د وړتیا په اړه یې شکونه راپورته کړي دي. دا خبره د هند د بهرنیو چارو وزارت د دغې پېښې په غبرګون کې کړې ده.
 
وروستیو تحولاتو ته په پام سره او د مستقیمو اړیکو د رامنځته کولو لپاره د دواړو خواوو هیلې ته په کتو، ښايي دا پیښه د کابل – نوي ډیلي د اړیکو د بیا پیلیدو مخه ونه نیسي؛ خو دا بې له شکه د دې خطر خبرداری ورکوي چې د پردې تر شا ځواکمن لاسونه کار کوي ترڅو د دغو اړیکو د شکل او پراختیا مخه ونیسي. له همدې امله، په راتلونکي کې ورته پیښې غیر متوقع ندي. په ځانګړې توګه په دې نيت چې هېوادونه بايد د طالبانو پر امنيتي ژمنو تکيه ونه کړي؛ ځکه اوسنی وضعیت ثابتوي چې دا ډول مکلفیتونه بې معنا دي او امنیت نشي تامینولی.
 
انارکلي هنریار وویل، د افسوس خبره دا ده چې بې ګناه خلک تل د ترهګرو اجیرو ډلو او د سیمه ایزو او نړیوالو قدرتونو د منفي سیالیو قرباني کیږي.
 
https://avapress.com/vdcepe8wvjh8nei.r6bj.html
ارسال نظر
ستاسو نوم
ستاسو دبرېښنا ليک پته

پربيننده ترين