د روسیې د ولسمشر ویاند پیسکوف ویلي، د اوکراین جګړه اوږده ده او مسکو پر لویدیځ باور نه لري. دیمیتري پیسکوف وویل: «روسیه په دې باور ده چې په اوکراین کې به جګړه اوږده شي او له دې وروسته به مسکو هیڅکله پر لویدیځو هیوادونو باور ونه کړي».

آوا - مانیتورینګ، سپوتنیک د روسیې د ولسمشر ویاند له قوله ویلي: «د امریکایی اجیر پوځیان د اوکراین په خاوره کې په ناقانونه فعالیتونو کې لاس لري. دوی باید د اوکراین په جګړه کې د ترسره شویو جرمونو حساب ورکړي.» "دا اجیر پوځیان د اوکراین د پوځ غړي نه دي او د جینوا په کنوانسیون کې شامل نه دي."
 
واشنګټن پوسټ پرون راپور ورکړ چې متحده ایالات او متحدین یې په اوکراین کې د یوې اوږدې جګړې لپاره چمتووالی نیسي ځکه چې د بایډن اداره هڅه کوي کییف ته د پوځي مرستو په زیاتولو سره د روسیې بریا په ماتې بدله کړي.
 
د امریکا حکومت هیله لري چې نوې وسلې، د بندیزونو او د روسیې د ډیپلوماټیک انزوا سره یوځای به د جګړې د خبرو اترو له لارې د وروستۍ پایلې په ترلاسه کولو کې بدلون راولي او په احتمالي توګه د جګړې دوام ته د روسیې لیوالتیا کمه کړي.
 
د جینوا کنوانسیون یو تړون دی چې د لاسلیک کونکو هیوادونو تر منځ لاسلیک شوی او د نړیوال بشردوستانه قانون ترټولو مهمه ماده ده. د جنیوا کنوانسیون د جګړې د وخت لپاره شرایط وضع کړي چې د هغو کسانو ساتنه  کوي چې په جګړه کي دي. د جینوا کنوانسیون بنسټ ایښودل او پراخول د هغو تجربو پراساس دي چې حکومتونه د دوی د جګړو پرمهال ترلاسه کړي.