کد QR مطلبدریافت صفحه با کد QR

۶،۱ ریښتر درجې په کچه زلزله د هېواد ځینې برخې ولړزولې

اطلاعات روز , 1 سرطان 1401 ساعت 9:34

نن سهار (چهارشنبه، د سرطان ۱) د ۶،۱ ریښتر درجې په کچه زلزلې د هېواد ځینې برخې ولړزولې. ویل کیږي زلزلې په پکتیکا ولایت کې شاوخوا ۱۰۰ تنه وژلي او ټپیان کړي دي.


آوا، نن (چهارشنبه، د سرطان ۱) دغې پېښې د هېواد یو شمېر نور ولایتونه هم ولړزاوه.  
 
د پکتيکا په ګيان ولسوالۍ کې ځايي سرچينې وايي، چې په دې پېښه کې يو کلي په بشپړه توګه ويجاړ شوى دى.
 
یوې ځايي سرچینې د نوم نه ښودلو په شرط ویلي، چې یوازې د پکتیکا د ارګون ولسوالۍ روغتون ته ۳۵ جسدونه او تر ۶۰ ډېر ټپیان ور وړل شوي دي.
 
په پکتیکا کې د اسلامي امارت ولایتي چارواکي هم وايي چې په ګیان ولسوالۍ کې مرګ ژوبله زیاته ده.
 
د اطلاعاتو او فرهنګ رييس وويل چې د ارګون روغتون ته تر ٢٠ زيات جسدونه ور وړل شوي دي.
 
د خوست د سپېرې ولسوالۍ سرچينې هم وايي، چې د دې ولسوالۍ په ډنډکي کلي کې زلزلې درنه مرګ ژوبله اړولې ده.
 
د دغې زلزلې شدت د ریکټر په کچه ۶.۱ ښودل شوی، چې د کابل په ګډون یې خوست، پکتیا، پکتیکا، لغمان، غزني او لوګر ولایتونه ولړزول.
 
 


د مطلب کود: 254604

دمطلب پته :
https://www.avapress.com/ps/news/254604/۶-۱-ریښتر-درجې-په-کچه-زلزله-د-هېواد-ځینې-برخې-ولړزولې

آوا
  https://www.avapress.com