تاریخ انتشار :چهارشنبه ۱ سرطان ۱۴۰۱ ساعت ۱۱:۲۳
د مطلب کود : 254621
په پکتیکا ولایت کې سخته زلزله؛ د مړو شمېر ۲۵۵ کسانو ته ورسېد
رسنیو د چارواکو په حواله ویلي، په پکتیکا او خوست ولایتونو کې د یوې زورورې زلزلې له امله لږ تر لږه ۲۵۵ کسان وژل شوي دي.
افغان غږ خبری آژانس - کابل: د زلزلې نړیوال سازمان د معلوماتو له مخې، نن چهارشنبه (سرطان ۱) د افغانستان او پاکستان پولې ته څېرمه ۱:۲۴ دقیقې د ۵.۹ ریښتر درجې په کچه زلزله وشوه.
 
د زلزلې مرکز د خوست سویل لوېدیځ ۴۶ کیلومتره په ۱۰ کیلومترۍ کې ژوروالی ښودل شوی دی.
 
د راپورونو له مخې د زلزلې مرکز د پکتیکا ولایت برمل، ژیړوک، نیکه او ګیان ښارونو کې ښودل شوی دی.
 
ایندیپندنت خبر ورکوي، چې په پکتیکا کې د زلزلې له امله د مړو شمېر ۱۵۰ ته رسېدلی او ۲۵۵ نور ټپیان شوي دي.
 
خو الجزیرې د افغانستان په ختیځ کې د زلزلې له امله د مړو شمیر ۲۵۵ تنه ښودلی او ویلي یې دي چې زیات شمیر لا هم تر خاورو لاندې بند پاتې دي.
 
د يادونې وړ ده، چي ددي زلزلي د تلفاتو شمیر د دوهمي زلزلي په راتلو ډیره شوی چي د ۴.۵ ریشتر درجي په کچه د شپی په ۲:۲۰ دقیقي شوي وه.
 
 
https://avapress.com/vdcf0jd0yw6dtva.,ziw.html
ارسال نظر
ستاسو نوم
ستاسو دبرېښنا ليک پته

پربيننده ترين