ځايي سرچينې وايي، د ننګرهار په خوګياڼو ولسوالۍ کې د يوې ديني مدرسې د چت د لوېدو له امله دوه ماشومان وژل شوي او ۱۲ نور ټپيان دي.

آوا، د سیمه ییزو سرچینو د معلوماتو له مخې دغه پېښه نن سهار شاوخوا ۹ بجې د خوګیاڼو ولسوالۍ په بازار کې رامنځ ته شوې ده.
 
يوې سيمه ييزې سرچينې وويل: "د احمدشاه بابا د ديني ښوونځي چت د زده کوونکو پر سر غورځيدلى، چې له امله يې دوه ماشومان وژل شوي او ١٢ نور ټپيان دي."
 
د ننګرهار د حوزوي روغتون يوې سرچينې د نوم نه ښودلو په شرط وويل: چې روغتون ته يو جسد او اووه ټپيان ور وړل شوي دي. د هغه په ​​وينا، نور ټپيان د خوګياڼو ولسوالۍ مرکزي روغتون ته لېږدول شوي دي.
 
 په دې وروستیو کې په ننګرهار او یو شمېر ولایتونو کې د کورونو د نړېدو پېښې شوې دي.