په جوزجان کې د امنیتي ځواکونو د بایومتریک بهیر پیل شو

افغان غږ خبری آژانس - مزارشریف: د جوزجان د اطلاعاتو او کلتور ریاست آمر افغان غږ خبری آژانس ته وویل چې د چهارشنبه په ورځ (د می ۸ مه) د افغانستان د کورنیو چارو وزارت څخه یو لوړ پوړی پلاوی د «اسلامی امارت» "د بایومټریک پروسې د پیل کولو لپاره لیږل شوی و او د ځایی چارواکو او امنیت سره یې لیدنې لپاره ښار ته سفر کړی و.
 
مولوي جانان عزیزي؛ د کورنيو چارو وزارت د نشه يي توکو پر وړاندې د مبارزې د پوليسو ولايتي مشر چې په دې کمېټه کې هم شتون لري، وايي چې د پوليسو د لیکو د پاکولو او بايوميټريک کولو پروسه نن (چهارشنبه) د شفافيت د تامين په موخه پيل شوې ده.
 
د کورنيو چارو وزارت د نشه يي توکو پر وړاندې د مبارزې د پوليسو د ولايتي مشر په وينا، د دغه پروګرام په پلي کېدو او بشپړېدو سره، چې څو ورځې وخت نيسي، د پوليسو له نوم څخه د ناوړه ګټې اخيستنې د مخنيوي ترڅنګ، د قانون د پلي کېدو زمينه برابروي.
 
مولوی اسدالله حلیم؛ دکورنيو چارو وزارت دکورنيو چارو معين په دې مراسمو کې وويل: دغه بهير د شته تشو د له منځه وړلو او د خيالي اشخاصو د شتون د مخنيوي په مقصد په لاره اچول شوى دى او په ولايتونوکې د دغه پروګرام عملي کول ډير مهم او اغيزمن دي.
 
هغه وویل: "دا نظام د اسلامي امارت د ځواکونو په بې شمېره قربانیو رامنځته شوی دی، باید له دغه حکومت څخه په هر اړخیزه توګه ملاتړ وشي."
 
د یادولو وړ ده چې دا مسایل په داسې حال کې مطرح کیږي چې د «اسلامي امارت» د چارواکو په وینا د امنیتي ځواکونو د بایومټریک پروسه د شفافیت، پر وخت د خدمتونو د وړاندې کولو او د دې پروسې د تنظیم په موخه پیل شوې ده.