د اوکراین ولسمشر په یوه خبري غونډه کې له ترکیې او ملګرو ملتونو سره د خبرو اترو اعلان وکړ چې د خپلو غلو د صادراتو لپاره د منځګړي په توګه عمل وکړي. دده په وینا؛ ملګري ملتونه د اوکراین د غلو په صادراتو کې لوی رول لوبوي.

آوا، د اوکراین ولسمشر ولادیمیر زیلینسکي د دوشنبې په ورځ (سرطان ۱۳) د سویډن له صدراعظمې مګدالینا اندرسن سره په یوه خبري غونډه کې وویل چې غلې دانې به د اوکراین له بندرونو څخه صادرې شي.
 
زیلینسکي وویل چې هیواد یې د ملګرو ملتونو سره کار کوي ترڅو د اوکراین د غلو په صادراتو کې مخکښ رول ولوبوي.
 
په داسې حال کې چې اوکراین روسیه تورنوي چې د دوی د غلو ذخیرې غلا کوي او نورو هیوادونو ته یې صادروي، د ترکیې یوه چارواکي د دوشنبې په ورځ وویل چې د روسیې بیرغ لرونکې غلې بیړۍ یې نیولې ترڅو وګوري چې ایا د اوکراین دا ادعا رښتیا ده که نه.
 
اوکراین په نړۍ کې یو له هغو هېوادونو څخه دی چې غلې دانې صادروي. د ورکړل شویو شمېرو پر بنسټ اوسمهال د دغه هېواد په ګودامونو کې ۲۲ میلیونه ټنه غله شته.