د شانګهای د همکارۍ سازمان سرمنشي ژانګ مینګ د پاکستان د بهرنیو چارو له وزیر سره په کتنه کې په افغانستان کې روانو ستونزو ته په اشارې سره له اسلامي امارت وغوښتل چې په بېلابېلو مسایلو کې د نړیوالې ټولنې اندېښنو ته رسیدګي وکړي.

آوا: ژانګ مینګ او بلاول بوټو زرداري د جمعې په ورځ د سرطان په ۳۱ مه په پاکستان کې خبرې اترې وکړې.
 
په دې کتنه کې دواړو لورو وویل چې اسلامي امارت باید د بېلابېلو مسایلو په اړه د نړیوالې ټولنې اندېښنې مطرح کړي.
 
دوی ټینګار کړی، چې د نجونو د تعلیم په ګډون د ټولو افغانانو حقونو ته درناوی او له ترهګرۍ سره د مبارزې په برخه کې دوامداره هڅو ته اړتیا ده.
 
برسيره پردې، ژانګ مينګ او بلاول بوټو د امنيت، تکنالوژۍ، سوداګرۍ او اقتصاد په برخو کې د دواړو خواوو ترمنځ د همکارۍ پر دوام، د برېښنايي سوداګرۍ، د پيل او ډيجيټل سواد زده کړې او همدارنګه د ځوانانو د پياوړتيا په اړه خبرې اترې وکړې.
 
په افغانستان کې له ترهګرۍ سره د مبارزې د اړتیا په اړه څرګندونې په داسې حال کې کېږي چې په دې وروستیو کې په هېواد کې د داعش او نورو ترهګرو ډلو خوځښتونه زیات شوي دي.