په سمنګان او کندز کې د کولرا ناروغي ۱۳۳ پیښې پیژندل شوي

افغان غږ خبری آژانس - مزارشریف: د سمنګان د عامې روغتیا د سروې رئیس سید شجاع مرتضوی نن شنبه د اسد ۸ ، افغان غږ خبری آژانس ته وویل: له دریو اونیو راهیسې په سمنګانو کې د کولرا د شکمنې ۱۳۳ پېښې ثبت شوې.
 
د هغه په ​​وينا، په سمنګانو کې د کولرا ډېرى ناروغان له پنځو څخه تر لسو کلونو پورې ماشومان دي، چې ټول يي د ايبک ښار اوسېدونکي دي.
 
د سمنګان د عامې روغتیا د څارنې رئیس زیاته کړه، چې د کولرا له ۱۳۳ پېښو څخه یې لابراتوار مثبت راپور ورکړی او په نورو ناروغانو کې د دې ناروغۍ نښې لیدل شوي دي.
 
مرتضوي په سمنګانو کې د کولرا ناروغۍ د خپرېدو لامل د سمندر له اوبه وباله او ويې ويل چې د سمنګانو د عامې روغتيا رياست له خوا د ايبک ښار د اوبو د پاکولو هڅې روانې دي.
 
د دې تر څنګ محمد نعیم منګل؛ د کندوز د حوزوي روغتون مشر هم افغان غږ خبری آژانس ته وويل: په تېره يوه اوونۍ کې زموږ په روغتون کې د کولرا دوه پېښې ثبت شوي، چې يو يې د کندز ښار او بل يې د خان آباد ولسوالۍ اوسېدونکی دی.
 
د هغه په ​​وينا، په کندز کې د کولرا خپرېدل د خطر زنګ دى او موږ هڅه کوو چې د هغې د لا خپرېدو مخه ونيسو.
 
منګل زياته کړه، کولرا يوه موسمي ناروغي ده، چې ښايي د کندز ښاريانو سفر و جنوبي ولايتونو، جوزجان او سمنګان له امله پرې اخته شوي وي.
 
د کندز د حوزوی روغتون مشر وايي، له کولرا سره د مبارزې لپاره يې لازم چمتووالى نيولى او د سلو بسترونو يو واحد يې د کولرا د ناروغانو د درملنې لپاره ځانګړي کړى دى.
 
په همدې حال کې په جنوب لوېدیځو ولایتونو کې تر ۶۰۰۰ ډېر کسان، د جوزجان ۷۰۰۰ اوسېدونکي او لږ تر لږه ۱۰۰۰ نور په غزني او دایکندي ولایتونو کې په کولرا اخته شوي دي.