د باميان والي: د امام حسين (ع) عزادارۍ بايد يوازې په لسو ورځو پورې محدودې نه شي

افغان غږ خبری آژانس - بامیان: د هغه څه برعکس چې فکر کېده، د بامیان ښار تورې جامې اغوستې او د دغه ولایت اوسېدونکو د وینې بانکونو په جوړولو، د عاشورا په مراسمو او د ماتم په غونډو کې  حسیني کلیزه ولمانځله.
 
دغه مراسم په دغه ولایت کې د «اسلامي امارت» د مسؤلینو په ګډون او حضور سره ترسره شول او د دغه ولایت سیمه ییزو چارواکو د عاشورا د غورځنګ او د امام حسین علیه السلام د پاڅون په اړه وینا وکړه.
 
مولوی عبدالله سرحدی؛ د بامیان والي په جوماتونو کې د ماتم په پروګرامونو کې ګډون وکړ او د امام حسین علیه السلام د شخصیت او د عاشورا د غورځنګ په اړه یې خبرې وکړې.
 
د باميانو والي په خپله وروستۍ وينا کې وويل چې د کربلا په پېښه کې د خداى (ج) او اسلام په لاره کې ډېره قيمتي او ارزښتناکه وينه تويې شوې او دا د امام حسين (ع) او د هغه د يارانو وينه ده. د امام حسین (ع) پاڅون باید خلکو ته تشریح شي او نمونې یې په ټولنه کې ترویج شي.
 
د باميان والي امام حسين عليه السلام د ځوانانو او ټولنې لپاره ښه نمونه وبلله او له ځوانانو يې وغوښتل چې په خپل ژوند کې د امام حسين عليه السلام لاره تعقيب کړي.
 
د باميان والي له ځوانانو هم وغوښتل چې روغتونونو ته لاړ شي او د چړو د کارولو پر ځاى وينه ورکړي.
 
په دې وروستيو کې د باميان په ولايتي روغتون کې د امام حسين (ع) د وينې بانک پرانيستل شوي، تر څو خلک وينه ورکړي.
 
د بامیان والي څو ورځې وړاندې په خپله وینا کې د عاشورا او د امام حسین علیه السلام مکتب تر لسو ورځو پورې محدود نه ګڼلو ترڅ کي وویل: د امام حسین علیه السلام لاره او مکتب باید لس ورځو ته محدود نه شي.
د باميانو والي وايي، د امام حسين (ع) د وينې په برکت نن ټول مسلمانان د خداى او قرآن په لاره روان دي او بايد محرم او د امام مکتب وګڼل شي.
 
په بامیان کې د تیرو کلونو په څیر د ماتم مراسم په بشپړ امنیت کې ترسره شول. که څه هم په بامیانو کې بې وزلي مخ په زیاتیدو ده. خو بیا هم د دې ولایت خلک د خلکو او ماتم کوونکو لپاره د خیراتونه  وکړل.