د امریکا ولسمشر جوبایډن له سویډن او فنلنډ سره د ناټو د غړیتوب تړون لاسلیک کړ. ویل کېږي چې دا کار د روسیې پر وړاندې د لوېدیځ د پیاوړتیا لپاره شوی و.

آوا: سپینې ماڼۍ د سه شنبې په ورځ (اګست ۹) اعلان وکړ، چې بایډن د تړون د لاسلیک له مراسمو مخکې د سویډن له لومړۍ وزیرې ماگدالنا اندرسون او د فنلنډ له ولسمشر ساولي نینیستو سره ټیلیفوني خبرې کړې دي.
 
سپینې ماڼۍ زیاته کړه: "ولسمشر بایډن فنلنډ او سویډن ته د متحده ایالاتو د سنا لخوا د ناټو د غړیتوب پروتوکولونو په ګړندۍ او دوه اړخیزه تصویب مبارکي وویله او د ناټو د متحدینو کیدو لپاره د دوی د اقدام هرکلی یې وکړ."
 
د اګست په لومړیو کې، د متحده ایالاتو سنا د نورډیک هیوادونو د الحاق په حق کې د 95 په مقابل کې رایه ورکړه، چې متحده ایالات د ناټو د ۳۰ هیوادونو څخه ۲۳ په رسمي توګه د الحاق غوښتنه تصویب کړه. په ایتلاف کې د نوي غړیتوب لپاره متحد ملاتړ ته اړتیا ده.