د کابل ولایت سیمه ییزو سرچینو ویلي، په کابل کې د روسیې سفارت ته څېرمه د چاودنې غږ اورېدل شوی، چې نوعیت یې تر اوسه نه دی په ډاګه شوی.

آوا: په کابل ولایت کې سیمه ییزو سرچینو نن دوشنبه (سنبلي ۱۴) خبر ورکړی، چې په دغه ولایت کې د روسیې سفارت ته څېرمه د یوې چاودنې غږ اورېدل شوی دی.
 
د دوی په وینا دغه غږ د کابل ښار د اوومې ناحیې اړوند د دارالامان له واټ څخه اورېدل شوی او تر اوسه یې نوعیت نه دی معلوم.
 
امنیتي چارواکو تر اوسه په دې اړه څه نه دي ویلي.