د افغانستان د پولي زیرمو هر ډول بې تړاوه استعمال د منلو وړ نه دی

افغان غږ خبری آژانس - کابل: د امریکا د خزانې وزارت په دې وروستیو کې اعلان کړی چې د افغانستان ۳.۵ میلیارده پولی زیرمې به د سویس بانک ته وسپاری او له هغه ځایه به د بشپړې څارنې او د نه استفادې په صورت کې په پام کې ونیسی. د پیسو مینځلو او د تروریزم تمویل لپاره، دا به د اړتیا په صورت کې وکارول شي.
 
 خو د امريکا د دې پرېکړې په غبرګون کې د افغانستان مرکزي بانک د يوې اعلاميې په خپرولو سره ويلي، چې د افغانستان بانک د بهرنيو اسعارو زېرمې د افغانانو شتمني ده او له ډېرو کلونو راهيسې د قانون په رڼا کې کارول کېږي.
 
په اعلامیه کې همدا راز راغلي چې د افغانستان بانک غواړي چې د هېواد د بهرنیو اسعارو پر زیرمو ټول لګول شوي محدودیتونه لیرې کړي او په دې برخه کې یې د ټاکل شویو موخو د ترلاسه کولو لپاره له دې زیرمو څخه د اغېزمنې استفادې هڅې پیل کړي دي.
 
اعلامیه کي اضافه شوې؛ د افغانستان بانک د دغو ذخیرو د تخصیص، استعمال یا انتقال په اړه هر ډول پریکړه د نه منلو وړ ګڼي او غواړي چې په دې اړه له سره غور وکړي.
 
د یادولو وړ ده چې د جمهوري نظام له سقوط او د اسلامي امارت له رامنځته کیدو وروسته د افغانستان شاوخوا ۹ میلیارده ډالر په نړیوالو بانکونو کې بند پاتې دي چې یوازې ۷ میلیارده ډالر یې په امریکايي بانکونو کې ساتل شوي دي.