آوا: د ملګرو ملتونو د بشري چارو د همغږۍ دفتر (OCHA) په یوه راپور کې ویلي، چې په تېرو څو میاشتو کې د افغانستان په څو ولایتونو کې سېلابونو او زلزلې څه باندې دوه میلیونه او ۲۳ زره کسان اغېزمن کړي دي.

 

د دغه راپور له مخې، په افغانستان کې د جون په مياشت کې د پکتيکا او خوست د زلزلو له امله له ٨٥٠٠٠ څخه زيات کسان سخت اغېزمن شوي، په داسې حال کې چې په جولاى او اګست مياشتو کې د هېواد په سوېل او ختيځو سيمو کې له ٧٨٨٠٠ څخه زيات کسان د سختو سېلابونو له امله اغېزمن شوي دي.

 

اوچا په یوه راپور کې وویل: "ډیری کورنیو د طبیعي پیښو له امله اغیزمن شوي خپل کورونه، شتمنۍ او څاروي له لاسه ورکړي، او بې وزله کورنۍ احتمال لري چې بیړنیو بشري خوراکي مرستو ته اړتیا ولري."
 

سېلابونو نه يوازې د استوګنې کورونه زيانمن کړي، بلکې کروندګرو ته يې ډېر مالي زيانونه هم اړولي دي. ځکه چې د دوی محصول د سیلاب له امله زیانمن شوی.

 

اوچا په یوه مخکني راپور کې ویلي وو، چې په افغانستان کې تر ۲۴ میلیونه ډېر خلک د خوراکي توکو له کمښت سره مخ دي.