د اسلامي امارت ویاند ذبیح الله مجاهد نن سهار د کاج پر ښوونیز مرکز برید چې له امله یې لږ تر لږه ۱۹ تنه شهیدان او ۲۷ تنه ټپیان شول یو لوی وحشت بللی او په کلکه یې غندي.
دخپریدو نیټه :جمعه ۸ میزان ۱۴۰۱ ساعت ۱۵:۴۲
د مطلب کود : 259212
افغان غږ خبری آژانس: د اسلامي امارت ویاند د کاج په تعلیمي مرکز د نن ورځې برید په اړه په خپل ټویټر کې غبرګون ښودلی.
ذبیح الله مجاهد په یوه ټویټ کې لیکلي: د کابل په ۱۳مه ناحیه کې د کاج په تعلیمي مرکز برید یو لوی وحشت دی او اسلامي امارت یې په کلکه غندي.
مجاهد زیاته کړه: اسلامي امارت د دغې پېښې د قربانیانو له کورنیو سره خپله ژوره خواخوږي څرګندوي او د دغه برید د عاملینو د موندلو او نیولو لپاره به جدي اقدامات ترسره کړي.
نافع تکور; د اسلامي امارت د کورنیو چارو وزارت ویاند ویلي چې نن سهار د کابل په لویدیځ کې د کج په ښوونیز مرکز برید کې ۱۹ تنه شهیدان او ۲۷ نور ټپیان شوي دي.
خو يو شمېر عيني شاهدان بيا وايي، چې د دې چاودنې مرګ ژوبله له هغه څه ډېره ده، چې په رسمي توګه يې اعلان کړى دى.
چاودنه نن سهار هغه مهال رامنځته شوه، چې په دغه ښوونیز مرکز کې د کانکور ازموینه روانه وه.
محمد حامد؛ د چاودنې په ځای کې یو تن محصل وايي: د ازموینو پاڼې وېشل شوې وې، شاوخوا ۴۰۰ کسانو پوښتنې کولې، چې ناڅاپه د ډزو غږ وشو، ځانمرګي بریدګر لومړی د دروازې ساتونکي وواژه او بیا تالار ته ننوت.
هغه زیاتوي چې د ده د سترګو لیدلی حال د قربانیانو شمېر ډېر دی.
avapress.com/vdcgqy9xxak9nx4.1gra.html
ټګونه
ډیری لیدل شوي
مربوطه لیکنې
[۲۷ اسد ۱۴۰۱] 
[۱۱ حمل ۱۳۹۵] 
[۱۵ ثور ۱۳۹۵] 
[۱۳ ثور ۱۳۹۷] 
[۹ ثور ۱۳۹۵] 
