د ۲۰۲۲ کال د فوټبال د نړیوال جام د پرانستلو په مراسمو کې د قطر ملي لوبډلې چې د دې سیالیو کوربه توب کوي، پرون (یکشنبه، عقرب ۲۹) د ګروپي پړاو په لومړي لوبه کې خپله لومړۍ لوبه خپل سیال اکوادور ته وبایلله.

آوا: د قطر او اکوادور ملي لوبډلې د ۲۰۲۲ کال د نړیوال جام د ګروپي پړاو لوبو په لومړي پړاو کې پرون (یکشنبه، عقرب ۲۹) د افغانستان پر وخت د شپې په ۲۰:۳۰ بجو له یو بل سره مخامخ شول او لوبه د اکوادور په ګټه پای ته ورسېد.
 
د دې لوبې ګول د اینر والنسیا له خوا په ۱۶مه دقیقه کي له پنالټي څخه او په ۳۱مه دقیقه کې د اکوادور د ملي لوبډلې لپاره ترسره شوه.
 
د دې پایلې سره، د قطر ملي لوبډلې د ټورنمنټ لومړۍ ماتې تجربه کړه او پرته له کوم پوائنټ پاتې شو او څلورم ځای ته ستون شو.
 
 
د اکوادور ملي لوبډله د ۲۰۲۲ نړیوال جام د A ګروپ په درجه بندۍ کې د ۳ نمرو په لرلو سره لومړی مقام خپل کړ.
 
د يادونې وړ ده چې د دغو سياليو په دوام کې به د ايران او انګلستان، هالنډ او سينيګال، ويلز او امريکا ټيمونه نن (دوشنبه، عقرب ٣٠) له يو بل سره مخامخ شي.
 
د يادونې وړ ده، چې د نړيوال جام د پرانستې مراسمو په څنډه کې قطريانو د نړيوال جام يو ستر سمبول لوبغالي ته راوړى و، چې د يوې حادثې له امله د مينه والو په سرونو ولوېد. د دې سمبول سقوط، چې د هیلیم ګاز څخه ډک شوی و، هیچا ته کومه ستونزه نه وه.