د هېواد کورنيو رسنيو خبر ورکړى، چې د پکتيا ولايت د ډنډ پټان ولسوالۍ يو شمېر اوسېدونکي د دې ولسوالۍ پر سيمو د پاکستان د بريدونو پر ضد لاريون کړى دى.

آوا: د کورنیو چارو وزارت خبر ورکړی، چې د پکتیا ولایت د ډنډ پټان ولسوالۍ یو شمېر اوسېدونکو د دې ولسوالۍ پر ځینو برخو د پاکستان د بریدونو پر ضد لاریون وکړ.
 
ویل شوي، چې لاریون کوونکو مرګ پر پاکستان شعارونه ورکول.
 
دا په داسې حال کې ده، چې په دې ولسوالۍ کې څو ځلې د پاکستاني پوځیانو سره د اسلامي امارت د ځواکونو نښتې شوې دي.
 
د يادونې وړ ده، چې په تېرو څو کلونو کې او د تېر حکومت پر مهال پاکستان څو ځلې د افغانستان پر بېلابېلو سرحدي سيمو د درنو وسلو بريدونه کړي، چې له امله يې د دواړو هېوادونو اړيکې ترينګلې شوې دي.