آوا: ۷۵ کلن انور ابراهیم بریالی شو، د پاچا او د دولتونو د والیانو د شورا له تایید وروسته، د مالیزیا د لسم لومړي وزیر په توګه په لوړه کچه په کار پیل وکړ.
له دې مخکې د مالیزیا د انتخاباتو د کمیسون مشر عبدالغنی صالح په پوترجایا کښې په یوه خبری کانفرنس کښې وویل: هیڅ یو ائتلافی ګوند چې د نومبر د ۱۹مې نیټې د شنبې ورځې په پارلمانی انتخاباتو کښې یې ګډون کړی و، د ولسی جرګې اکثریت نه دی ګټلی.
د مالیزیا «نیو سټریټ ټایمز» ورځپاڼې هم د هغه خبره راخیستې او لیکلي یې دي: «د انتخاباتو د نتیجو له مخې هیڅ یو ایتلاف د اړتیا وړ رایو له پنځوس سلنې زیاتې نه دي ګټلي. په ولسي جرګه کې ۲۲۲ استازي لري او د حکومت جوړولو لپاره باید ایتلاف لږ تر لږه ۱۱۲ څوکۍ ولري.
تر دې دمه د ولسي جرګې د ۲۱۹ غړو رایې شمېرل شوي، چې له دې جملې څخه «د امید ایتلاف» ۷۶ څوکۍ، ملي ایتلاف ۷۳ څوکۍ او د لومړي وزیر اسماعیل صبري یعقوب په مشرۍ ملي جبهې ۳۰ څوکۍ ګټلې دي.
اسماعیل صابري یعقوب د اکتوبر په لسمه د پارلمان منحل اعلان وکړ او هیله یې څرګنده کړه چې دا به سیاسي ثبات بیرته راولي او یوه باثباته کابینه به جوړه کړي.
په تیرو دوو کلونو کې په مالیزیا کې دوه لومړي وزیران بدل شوي، د دولت اوسني مشر د هغه د پارلماني اکثریت له لاسه ورکولو له امله د هغه مخکیني استعفا وروسته له هغه واک واخیست.
"انور ابراهیم" په داسې حال کې د مالیزیا لومړی وزیر شو چې دغه هېواد له سختو شرایطو سره مخ دی. او تر ټولو مهمې ستونزې د دې هېواد اقتصادي بحثونه دي، چې د کرونا د اوږدمهاله قرنطین د اغېزو له امله بدل شوي دي.
دریافت صفحه با کد QR