د هرات امنیتي غونډه؛ د هغو سیاستوالو لپاره تفریح چې د جمهوریت پرمهال یې دولتي دندې درلودې!

د هرات له امنیتي غونډې وروسته چې د تاجکستان په پلازمېنه دوشنبه کې جوړه شوې وه، کارپوهان وايي چې د فاسدو کسانو د شتون له امله چې د پخواني رژیم په نسکورېدو کې یې رول درلود، د هرات امنیتي غونډه د هېواد د وضعیت د ښه کېدو لپاره کوم پلان نه لري. او د کومې پایلې لامل نشي د دوی په وینا د دې غونډې جوړېدل د هغو سیاستوالو لپاره تفریح دی چې د جمهوریت پر مهال یې دولتي دندې درلودې.

افغان غږ خبری آژانس - کابل: د افغانستان د ملی کنګرې ګوند مشر عبدالطیف پدرام په یوه ټویټ کې لیکلی چې زه د هرات و امنیتی غونډې ته بلل شوی وم، خو ګډون می ونه کړ ځکه چي ټول فاسد سره ټول شوي دي.

هغه زیاته کړه، د هرات د غونډې داخلي مېلمانه ټول د جمهوریت د فاسد رژیم اجنټان وو او اوس زموږ د هېواد د وضعیت د ښه کېدو لپاره هېڅ بدیل او رښتینی پلان نه لري.

د سیاسي چارو کارپوه طارق فرهادي له افغان غږ خبری آژانس سره په مرکه کې ویلي، چې په افغانستان کې د اسلامي امارت له راتګ راهیسې د هېواد د وضعیت د ښه والي په موخه ګڼې سیمه ییزې او نړیوالې غونډې جوړې شوې، خو د استازو د نه ګډون له امله نه دي شوي.

فرهادي زیاته کړه چې په دوشنبې کې د هرات امنیتي غونډه د تاجکستان د هغو سیاستوالو لپاره یوه تفریح ده چې د جمهوریت پر مهال یې دولتي دندې درلودې او په یو ډول د حکومت په سیاستونو کې ښکیل وو.

هغه زیاته کړه، د هرات امنیتي غونډه په افغانستان کې نهه ځلې ترسره شوې، خو دا غونډې یوازې په ویناوو پیل او په ویناوو پای ته ورسېدې، عملي اړخ یې نه درلود، له همدې امله یې د افغانستان د وضعیت په ښه کولو کې کم اغېز نه درلود.

دغه سیاسی کارپوه تاکید وکړ: هغو کسانو چې د هرات په امنیتی غونډه کښې یې ګډون کړی وو، د اسلامی امارت له مشرانو سره پخوا او اوس هم له فکری لحاظه ستونزې لرلې او له همدې امله طالبان له دغو کسانو سره خبرو ته لېواله نه دی.

فرهادي څرګنده کړه، هغه کسان چې په دې غونډه کې یې برخه اخیستې وه، هغه کسان دي چې د افغانستان د واقعیتونو په پام کې نیولو پرته یې د جمهوریت پر مهال له طالبانو سره سوله نه وه منلې او د جګړې پر دوام یې ټینګار کړی دی.

هغه څرګنده کړه، د بهرنيو هېوادونو استازي يوازې خبرې کوي او د تېر په څېر عمل نه کوي، نو د افغانستان خلک بايد له دا ډول غونډو څخه ښې تمه ونه لري.

دغه غونډه پرون د قوس په اتمه د تاجکستان په مرکز دوشنبې ښار کې د دوو ورځو لپاره جوړه شوه. د هرات په امنیتي غونډه کې د اسیا د بېلابېلو هېوادونو، اروپا او امریکا استازو د افغانستان او سیمې پر امنیتي وضعیت، د یوه جامع حکومت د جوړېدو او په هېواد کې د بشري حقونو د وضعیت په اړه خبرې کیږې.

د یادولو وړ ده چې په افغانستان کې د اسلامي امارت تر واکمنۍ وړاندې د هرات امنیتي غونډې هر کال د هیواد دننه او په هرات ښار کې ترسره کېدې.