په افغانستان کې د ایران د اسلامي جمهوریت سفارت په داسې حال کې چې په کابل کې د دغه هېواد د سفیر بهادر امیني د څرګندونو په اړه خپاره شوي "جعلي خبرونه" په کلکه ردوي، اعلان کوي چې د دا ډول بې بنسټه او بې اساسه راپورونو خپرول به د رامنځته کېدو وړ نه وي. د دغه سفارت په وینا، دا کړنې په سیمه کې د کړکېچ د رامنځته کولو د توطیو د لړۍ یوه برخه ده.

آوا - کابل: په دې وروستیو کې د ایران د اسلامی جمهوریت د دښمنانو یوه شبکه چې تل یې د افغانستان او ایران د اسلامی جمهوریت د اړیکو د خرابولو په لټه کې ده. په کابل کې د ایران د سفارت په وینا، په کابل کې د ایران سفیر ته منسوب د جعلي خبرونو په خپرولو سره د «افساني او ناولونو» په بڼه «کیسې ویل» پیل کړي دي.
د دغه سفارت په وینا، په خپرو شویو جعلي خبرونو کې د بلیټن په حواله ناسمې ادعاوې کېږي، چې یو غږیز ټیپ هم را نقلوي، چې نه یوازې وخت او ځای، بلکې ادرس او ویاند یې هم نه دي معلوم.
په افغانستان کې د ایران د اسلامي جمهوریت سفارت په داسې حال کې چې د جعلي خبرونو خپرول په کلکه ردوي، اعلان کړی چې د دا ډول بې اساسه او له تعصبه ډکو راپورونو خپرول به د دواړو هېوادونو د ژورو اړیکو په لاره کې خنډ رامنځته نه کړي.
د دغه سفارت د اعلامیې په دوام کښې راغلي دي: د ایران اسلامي جمهوریت د ښه ګاونډیتوب د اصولو د مراعاتولو په ضرورت باندې په ټینګار سره له ګاونډیو هیوادونو سره د ورورګلوۍ او دوستانه اړیکو د ټینګولو لپاره هڅه کوي چې په دغه هیواد کښې تعقیب شي. ۱۳م حکومت د ګاونډيتوب د پاليسۍ په بڼه خپلو ګاونډيانو په تېره بيا افغانستان ته ځانګړې کتنه لري او د تېر په څېر به دا تګلاره په جدي توګه تعقيبوي.
دغه سفارت ټینګار کوي، چې د دا ډول ناسمو راپورونو خپرول د دواړو هېوادونو د دوستانه اړیکو پر وړاندې له تعصبه ډکې طرحې سره ترسره کېږي او نه شي کولی د دواړو هېوادونو ترمنځ اوږدمهاله اړیکې ګډوډې کړي.