د اسلامي امارت د لوړو زده کړو وزارت سرپرست مولوي ندا محمد ندیم وايي چې متعصبو رسنیو زما خبرې داسې تحریف کړې چې ګواکې زه د لوړو زده کړو مخالف یم.

آوا - کابل: د اسلامي امارت د لوړو زده کړو وزارت سرپرست مولوي ندا محمد ندیم په خپله ټویټر پاڼه لیکلي چې «متعصبو رسنیو زما خبرې داسې تحریف کړې چې ګویا زه د تعلیم ضد یم».
 
هغه لیکلي: "دښمن هڅه کوي چې د مدرسي او پوهنتون تر منځ واټن رامنځته کړي، له تېرو څلوېښتو کلونو راهیسې زموږ خلک د مدرسي او پوهنتون له زده کوونکو څخه ډېره غوښتنه کوي، ځکه د دوی ذهنیت د دین خلاف روزل شوی، خو موږ غواړو چې دا واټن له منځه یوسو. "
 
ځینو رسنیو د ښاغلي ندیم خبرې راخیستي چې ویلي یې دي: "ښوونځي ته د نجونو ورتګ لویدیځ کلتور دی."