د هرات د مرکزي زندان چارواکي وايي، چې په دې ولایت کې د بندیانو لپاره د افکارو د سمون او د کار د زده کړي لپاره جدي هڅې روانې دي او په پام کې لري، چې څه باندې ۱۷۰۰ بندیانو ته تعلیمي او نظریاتي کورسونه پیل کړي.
دخپریدو نیټه :جمعه ۳۰ جدی ۱۴۰۱ ساعت ۱۳:۳۴
د مطلب کود : 264060
افغان غږ خبری آژانس - هرات: د هرات د عامه زندان رئیس مولوی محمد نبی خلیل وایی، د دې اقدام موخه د خلکو سمه روزنه او د بندیانو لپاره د کار زمینه برابرول دی، ترڅو هغوی وکولای شی په زندان کې د خپل ځان لپاره باعزته ژوند رامنځته کړی.
د هغه په وينا، دا پروګرامونه اوسمهال د نارينه او ښځينه دواړو په زندانونو کې روان دي او زندانيانو ته د سواد زده کړې له پروګرامونو نيولې تر ديني او تخنيکي درسونو پورې په هر څه کې روزنه ورکول کېږي.
د هرات د محبس رييس دغه راز زياته کړه: په دغه ولايت کې ١٧٥٠ تنه د بېلابېلو جرمونو په تور بنديان دي چې له دې جملې څخه تر ٢٠٠ زيات يې ښځې او ماشومان دي.
مولوي خليل همدا راز زندانيانو ته د روغتيايي خدمتونو د وړاندې کولو په اړه څرګنده کړه، چې زندانيانو ته ټول روغتيايي خدمات د تجربه لرونکو ډاکټرانو له خوا د همکارو موسسو له خوا وړاندې کېږي.
avapress.com/vdcd9o0xzyt09z6.lb2y.html
ټګونه
ډیری لیدل شوي
