په هرات کې د خواجه عبدالله انصاري یتیم خانې مسئولین وايي، په سړه هوا کې یې د کوڅې د ماشومانو د مړینې د مخنیوي په موخه په تېرو څو شپو کې له ښار څخه سل تنه ماشومان راټول کړي دي.

آوا - هرات: په هرات کې د خواجه عبدالله انصاری یتیم خانې مدیر مولوی خالد شفیق وایی: په تېرو څو شپو کې د دغه ولایت له واټونو څخه د ۳۰ نجونو او ۷۰ هلکانو په ګډون ۱۰۰ تنه ماشومان راټول شوی دی.
 
هغه په ​​ډاګه کړه، چې په خپله او ملګري يې په سړه هوا کې د سهار تر دوو بجو پورې په ښار کې ګزمې کوي، څو هغه ماشومان راټول کړي، چې په کار بوخت وي او په سړه هوا کې يې له مرګه وژغوري.
 
مولوي شفيق همدارنګه زياته کړه: په هرات کې څلور يتيمان خانې شته چې نږدې پنځه سوه هلکان او نجونې په کې ساتل کېږي.
 
ده زياته کړه: د دغو يتيمانو له جملې څخه دوه دولتي يتيمخانې دي چې د دولت له خوا بوديجه ورکول کيږي چې ١٠٠ تنه نجونې او ٢٥٠ تنه هلکان ساتل کيږي.
 
د هرات ولايت د خواجه عبدالله انصاري يتيم خانې مدير وويل: په دغه يتيم خانه کې زياتره ماشومان يتيمان دي او په دغه يتيم خانه کې د ماشومانو شمير مخ په زياتيدو دى.
 
د هغه په ​​وينا، هغه ماشومان چې په دغو يتيم خانو کې ساتل کېږي، د هغوى لپاره د زده کړو اسانتياوې هم برابرې شوې دي.
 
نوموړي دغه راز له ښو بنسټونو او خلکو وغوښتل، چې له دغه يتيم خونې سره د مالي مرستو په برخه کې همکاري وکړي، ځکه دغه ماشومان زياتې همکارۍ ته اړتيا لري.