د رئیس الوزرا اداري مرستیال عبدالسلام حنفي ټینګار وکړ چې په ادارو کې دې د تشکيلاتي انفلاسیون مخه ونیول شي او مسلکي برخو ته دې ځانګړې پاملرنه وشي.

آوا - کابل: د اسلامي امارت د رئیس الوزرا دفتر پرون (یکشنبه، دلو ۱۶) د ټویټر له لارې د یوې خبرپاڼې په خپرولو سره اعلان کړی چې د تنظیم او معاشات د کمیسیون غونډه د مولوي عبدالسلام حنفي په مشرۍ د اداري پلاوي په مشرۍ ترسره شوه.
 
په دې غونډه کې د تنظیم او معاشونو د تنظیم کمیسیون غړو او د تفتیش عالي ادارې او له طبیعي پیښو سره د مبارزې ملي ادارې استازو هم حضور درلود.
 
په خبرپاڼه کې راغلي، چې په دې غونډه کې د ١٤٠٢ کال د بوديجې او مالي پلان په اړه د تېر کال دندې او لاسته راوړنې وڅېړل شوې او هر اړخيزې خبرې وشوې.
 
په دې کتنه کې د رئیس الوزرا اداري مرستيال عبدالسلام حنفي ټينګار وکړ چې په رياستونو کې دې د تنظيم انفلاسيون مخه ونيول شي او مسلکي څانګو ته دې ځانګړې پاملرنه وشي .
 
د دغې غونډې په پای کې د ادارو او معاشونو د تنظیم کمیسیون له خوا د دغو څانګو د ۱۴۰۲ تشکیل، بودجې او مالي پلان په اړه لازم تصمیمونه ونیول شول.
 
دا په داسې حال کې ده، چې په هېواد کې د اسلامي امارت له جوړېدو سره سم د حکومت ځينې ادارې منحل اعلان شوې.