د هرات ښاروالۍ په عوایدو کې ۵۶ سلنه زیاتوالی په دغه ولایت کې ۵۴ لویې پروژې بشپړې شوې

د هرات ښاروالۍ رياست مسوولين وايي، چې د دغه رياست عوايد د تېر کال په پرتله په ۱۴۰۱ لمريز کال کې ۵۶ سلنه زيات شوي او په دې موده کې د نوي کال له پيل سره سم ۵۴ لويې پروژې بشپړې شوې دي.

افغان غږ خبری آژانس: د هرات د ښاروالۍ د ریاست ویاند محمد ناصر ارمل وايي، دغه ریاست په دغه ولایت کې پر ۵۴ لویو پروژو ۶۵۰ میلیونه افغانۍ لګولي دي.

ښاغلي ارمل همداراز زیاته کړه: پر دې سربېره په تېر کال کې (۱۴۰۱)۱۸۰ وړې پروژې په دې ولایت کې ترسره شوې دي.

نوموړي دغه راز زياته کړه، چې دې رياست د يو ميليارد او ١١٤ ميليونه افغانيو هدف درلود، چې تر اوسه يې ٩٠٠ ميليونه افغانۍ راټولې کړې دي.

د هرات ښاروالۍ د وياند په وينا، د دغه ولايت دولتي ادارې د هرات ښاروالۍ ته ٩٤ ميليونه افغانۍ پوروړي دي.

ښاغلي ارمل همداراز زیاته کړه: د دې ادارې عواید د تېر کال په پرتله ۵۶ سلنه زیات شوي دي.

د هرات ښاروالۍ وياند څرګنده کړه: په نوي (١٤٠٢) لمريز کال کې به د هرات يو شمېر سړکونه د ترافيکي ستونزو د حل په موخه پاخه شي.

د هغه په وينا، د هرات ښاروالۍ سږ کال (١٤٠١) په خپل پلان کې څلور لويې پروژې پلې کړې دي؛ د ښاري پراختیا په موخه به د ښاري پراختیا او پراختیا په موخه د اسفالتینګ، ترمیم او اصلاح چارې ترسره شي.

ښاغلي ارمل همداراز ټینګار وکړ: د هرات ښار په پنځلسو ناحیو کې د خلکو ستونزو ته په پام سره لومړیتوبونه په پام کې نیول شوي او په ۱۴۰۲ کال کې به د پروژو چارې پیل شي.