د اسلامي امارت د ترانسپورت او هوايي چلند وزارت د هوا پېژندنې ادارې په سالنګ او ۲۶ ولایتونو کې د ورښتونو او سختو ورښتونو احتمال اعلان کړ.

آوا - کابل: د اسلامي امارت د ترانسپورت او هوايي چلند وزارت د هوا پېژندنې ادارې نن چهارشنبه (حمل ۹) د یوې خبرپاڼې په خپرولو سره خبرداری ورکړی چې د سختو واورو او بارانونو ترڅنګ به د واورې ورښت او سېلابونه هم راشي. .
 
دغه رياست وايي: نن او سبا په بدخشان، نورستان، تخار، کونړ، لغمان، ننګرهار، کاپيسا، پنجشېر، پروان، بغلان، کابل، لوګر، پکتيا، خوست، پکتيکا، زابل، غزني، میدان، وردک، بامیان، سرپل، دایکندي، اروزګان، غور، فراه، هلمند، کندهار، سالنګ او نورستان کې د سختو واورو او ورښتونو امکان شته.
 
دغه رياست په بېلابېلو ځايونو کې د (٢٠ تر ٥٠) ملي مترو باران او له (٢٠ تر ٤٠) سانتي مترو واوره اټکل کړى دى.
 
د يادونې وړ ده، چې په دې وروستيو ورځو کې بارانونو د هېواد په يو شمېر ولايتونو کې سيلابونه راوتلي دي.
 
د طبیعي پیښو سره د مبارزې وزارت په دې وروستیو کې اعلان وکړ چې د ۱۴۰۲ کال له پیل څخه تر اوسه پورې په افغانستان کې د سیلابونو او زلزلو په پایله کې ۹ تنه وژل شوي او تر ۱۷۰۰ زیات کورونه ویجاړ شوي دي.