آوا - کابل: ټاکل شوې چې سبا د ختیځ په څلورو ولایتونو کې د پولیو ضد واکسین کمپاین پیل شي.

 

ویل کیږي، چې په نوي کمپاین کې به په ننګرهار، کونړ، لغمان او نورستان ولایتونو کې څه باندې ۱.۱۴ میلیونه هغه ماشومان چې عمرونه یې له پنځو کلونو کم وي، واکسین شي، څو د پولیو له ویروس څخه وژغورل شي.

 

تېر کال په افغانستان کې د پولیو دوه مثبتې پېښې ثبت شوې وې.

 

افغانستان او پاکستان یوازیني هیوادونه دي چې د پولیو په له منځه وړلو کې نه دي بریالي شوي.

 

په تېرو وختونو کې د جګړې له امله په ځینو ولایتونو کې د واکسین کمپاین نه و پلی شوی، خو د اسلامي امارت له تاسیس سره سم یې په ډېرو ولایتونو کې بیا تطبیق پیل شو.