د کابل ښار د ترافيکو رياست چارواکي وايي، ډېر ژر به د ښار د ټکسيانو رنګ بدل شي. خو تر اوسه يې د رنګ د څرنګوالي په اړه څه نه دي ويلي، په داسې حال کې چې په کابل ښار کې يو شمېر موټر چلوونکي وايي چې دغه رياست بايد پيسې ورکړي.

آوا - کابل: د کابل ښار د ترافیکو ریاست ویاند نعمت نواز نن پنجشنبه د ثور ۱۴ مه د آوا له خبریال سره په مرکه کې وویل، چې ډېر ژر به د ښار د ټکسیانو رنګ بدل شی، خو نوموړي په دې اړه له نورو جزئياتو ورکولو ډډه وکړه.
 
هغه زياته کړه، چې ډېری رسنيو په دې اړه ناسم راپورونه خپاره کړي او ډېر ژر به يې بشپړ جزئيات د خبري ناستې پر مهال له خلکو سره شريک کړي.
 
په همدې حال کې د کابل ښار يو شمېر ټکسي چلوونکي وايي، که څه هم دا ډول کارونه ښه دي، خو د کار د نشتوالي له امله يې لګښت بايد د ترافيکو مديريت ورکړي.
 
د کابل ښار يو ټکسي چلوونکى محمد صميم وايي، چې دا ډول کار ښه دى، خو لګښت يې بايد د ترافيکو رياست ورکړي.
 
  صمیم زیاتوي چې ډېری ورځې د کار لپاره ښار ته ځي. مګر هغه د خپلې کورنۍ لپاره پیسې ورکول ستونزمن بولي.
 
په پلازمینه کې یو بل ټکسي چلوونکی عالم وايي چې د مسافر موندلو لپاره په ساعتونو ساعتونو انتظار باسي او د ټکسي رنګ بدلولو توان نه لري.
 
دا د دې حقیقت سره سره چې د څو کلونو لپاره، ژیړ په هیواد کې د ښار ټیکسي رنګ په توګه غوره شوی و. پر زېړ ټکسي سربېره په پلازمېنه کې د بېلابېلو رنګونو شخصي موټر هم تګ راتګ کوي.