په جوزجان کې د افغان ګازو د ادارې له خوا د شاوخوا درې میلیارده افغانیو عوایدو راټول شوي

افغان غږ خبری آژانس - مزارشریف: د جوزجان ولایت د افغان ګاز ریاست د چارواکو د معلوماتو له مخې، تېر کال د دغه ولایت په قشقري سیمه کې د ګازو له پلور څخه ۲.۵ میلیونه افغانۍ عاید ترلاسه شوی دی. په سرپل ولایت او جوزجان ولایت کې د مایع ګازو له پلور څخه ۸۷۵.۷۹ میلیونه افغانۍ عاید ترلاسه شوی دی.
 
د دوی په وینا، په تېر کال کې د دغو دوو ولایتونو له کانونو څخه ۴۷ میلیونه ټنه تېل استخراج او پلورل شوي دي.
 
اوس مهال په شبرغان ښار کې د ګازو ۲۲ فعالې کوچنۍ فابریکې شتون لري، چې هره ورځ له هغې څخه ۶۵۰ زره مټریک ټنه ګاز استخراجیږي.