د بهرنیو چارو وزارت سرپرست په کابل کې د ملګرو ملتونو له استازي سره وکتل

د بهرنیو چارو وزارت چارواکي وايي، چې د دغه وزارت سرپرست مولوي امیرخان متقی د افغانستان لپاره د ملګرو ملتونو د سرمنشي له ځانګړې استازې روزا اتونبایوا سره وکتل او دواړو لورو د افغانستان د کړکېچ په اړه د نظر تبادله وکړه. له نړیوالې ټولنې او د هېواد د اوسني وضعیت په اړه.

افغان غږ خبری آژانس - کابل: د بهرنیو چارو وزارت ویاند حافظ ضیا احمد د پنجشنبې په ورځ د جوزا ۱۱مه په خپل ټویټر کې لیکلي چې د دغه وزارت سرپرست پرون د ملګرو ملتونو له ځانګړي استازي سره وکتل.

نوموړي لیکلي، چې په دې کتنه کې دواړو لورو د افغانستان او نړیوالې ټولنې ترمنځ د تعامل پر څرنګوالي، د افغانستان او سیمې پر روانو حالاتو او له افغانستان سره د اړیکو پر څرنګوالي خبرې وکړې.

ویل کیږي، چې په دې کتنه کې ښاغلي متقی وویل، چې په هېواد کې د امنیت او ثبات له راوستو وروسته اوس د دې وخت دی، چې د نظري بحثونو پر ځای د ولس د ستونزو د کمولو لپاره عملي ګامونه واخیستل شي.

ښاغلي متقی له نړیوالې ټولنې او مرستندویه موسسو سره د اړیکو لپاره د افغانستان چمتووالی څرګند کړ او د هراړخیزو همکاریو ژمنه یې وکړه.

همدارنګه په ملګرو ملتونو کې د ملګرو ملتونو استازې مېرمن رزا اتونبایوا هم په دې ناسته کې وویل چې په افغانستان کې د دغه سازمان لومړیتوب له بشري وضعیت سره مبارزه ده او هڅه کوي چې افغانستان ته د بشري مرستو ترڅنګ پراختیايي مرستې هم ورسوي.

په همدې حال کې داسلامي امارت دبهرنيو چارو سرپرست وزير پابيش دبهرنيو هيوادونو له يو شمير مسوولينو سره وکتل .

باید یادونه وشي چې ملګرو ملتونو تر اوسه د اسلامي امارت حکومت په رسمیت نه دی پیژندلی.