يوه چينايي سيلاني په باميان ولايت کې پر سلو بې وزلو او اړمنو کورنيو خوراکي توکي وېشلي دي.

آوا - د بامیان ولایت مقام مطبوعاتي دفتر د یوې خبرپاڼې په خپرولو سره ویلي چې دغه چینايي سیلانې لومړی د بامیان له والي مولوي عبدالله سرحدي سره وکتل او د هغه د بشري پروګرامونو په اړه یې معلومات ورکړل.
 
دغه چينايي مرسته کوونکي د باميان ولايت د سيمه ييزې ادارې د همکارۍ غوښتنه وکړه او ويې ويل چې خپلې مرستې به د باميان ولايت په همغږۍ او همکارۍ سره وويشي.
 
له بلې خوا د باميان والي مولوي عبدالله سرحدي د دغه چينايي تبعه د مننې او ستاينې په ترڅ کې ټينګار وکړ: د باميان د سيمه ييزې ادارې رهبري له هر هغه شخص او بنسټ څخه ملاتړ کوي چې د خلکو خدمت کوي.
 
د باميان والي له دغه مرسته کوونکي څخه وغوښتل چې په مستحقو او اړو کسانو د خوراکي توکو بستې وويشي.
 
د يادونې وړ ده، چې په دغو خوراکي توکو کې يوه پنځوس کيلوګرامه اوړه، اووه کيلو پياز او اووه کيلو پټاتي شامل وو.