د طبیعي پېښو پر وړاندې د مبارزې وزارت وايي، چې په پکتیا ولایت کې پر ۱۴۵۷ اړمنو کورنیو او په لغمان ولایت کې پر ۷۵۰ کورنیو د مرستندویه بنسټونو له خوا نغدي مرستې وویشل شوې.

آوا - کابل: د طبیعي پېښو پر وړاندې د مبارزې وزارت وايي، چې د (IRC) ادارې له یوې سروې وروسته د پکتیا ولایت له طبیعي پېښو سره د مبارزې ریاست په همغږۍ په ۱۴۵۷ اړمنو کورنیو د نغدي مرستو لومړی پړاو وویشل.
 
د دغه وزارت چارواکي زیاتوي، چې دغه شمېر کورنۍ د دغه ولایت په ډنډ پټان ولسوالۍ کې مېشتې دي.
 
ویل شوي، چې د مرستو د وېش په دې لړۍ کې هرې کورنۍ ته ۱۲۷۰۰ افغانۍ وېشل شوې دي.
 
په ورته وخت کې د "ماشومانو د ساتنې ادارې" د لغمان ولایت له طبیعي پېښو سره د مبارزې ریاست په همغږۍ له یوې سروې وروسته د لغمان ولایت په مرکز کې پر ۷۵۰ بې وزلو او اړمنو کورنیو نغدي مرستې وویشل.
 
ویل کیږي چې هرې کورنۍ ته ۱۲ زره افغانۍ ویشل شوي دي.
 
په افغانستان کې کورنۍ او بهرنۍ مرستندویه موسسې له اړمنو او اړمنو خلکو سره مرستې کوي، چې په اوسني وضعیت کې حیاتي ګڼل کېږي.