د اسلامي امارت مشر ملا هبت الله اخندزاده د خصوصي دیني مدرسو لپاره د استادانو سل زره بستونه تخصیص کړل.

آوا - کابل: د باختر دولتي خبري آژانس د خبر له مخې یوازې د قندهار ولایت په ښار او ولسوالیو کې له ۴۰۰ خصوصي دیني مدرسو څخه دوه زره ونډې لري.
 
دکندهارولایت دپوهنې رئیس فخرالدین نقشبندي وايي، په دغو بستونو کې زرګونه کسانو په ازموینه کې ګډون کړی او دوه زره کسان به په دندو وګمارل شي.
 
تر دې مخکې د اسلامي امارت د پوهنې وزارت اعلان کړی و چې د اسلامي امارت مشر ملا هبت الله اخندزاده د دیني مدرسو لپاره سل زره دندې منظور کړي دي.
 
په هغه وخت کې، وزارت په ډاګه نه کړه چې آیا دا ښوونځي د دولتي یا خصوصي دیني مدرسو څخه دي.
 
په افغانستان کې د طالبانو له واکمنۍ وروسته طالبانو لسګونه دیني مدرسې جوړې کړې دي.
 
د اسلامي امارت د پوهنې وزارت د تېر کال د ثور په میاشت کې اعلان وکړ چې د هر ولایت په مرکز کې به د ۱۰۰۰ زده کوونکو په ظرفیت یو لوی جهادي ښوونځی او په هره ولسوالۍ کې له دریو څخه تر لسو پورې دیني مدرسې جوړوي.
 
په همدې حال کې د نجونو منځني او لېسې ښوونځي د نجونو پر مخ تړلي دي.