د اذربایجان جمهوریت د یکشنبې په ورځ د می په اتمه اعلان وکړ چې د ملګرو ملتونو یو پلاوی په تیرو دریو لسیزو کې د لومړي ځل لپاره د قره باغ سیمې ته داخل شو.

آوا: د اذربایجان د ولسمشر ویاند الهام علییف خبر ورکړی، چې د ناګورنو قره باغ اکثره اوسیدونکي له دې سیمې څخه ارمنستان ته تللي دي. د آذربایجان جمهوریت تر واکمنۍ مخکې د دې سیمې زیاتره اوسېدونکي ارمنیان وو.
 
په ناګورنو قره باغ کې د ملګرو ملتونو د ماموریت اصلي دنده د بشري اړتیاوو ارزونه ده. ملګرو ملتونو له دې مخکې د باکو د موافقې اعلان کړی و چې د دغه سازمان له خوا د ناګورنو قره باغ سیمې ته د یوه پلاوي د استولو غوښتنه شوې وه.
 
دا په داسې حال کې ده چې په تیرو دریو لسیزو کې دغه سیمه د اذربایجان تر محاصرې لاندې وه.
 
تېره اوونۍ له ۲۴ ساعته جګړې وروسته ارمني بېلتون غوښتونکو خپلې وسلې پر ځمکه کېښودې او له اذربایجان سره یې د خبرو کولو هوکړه وکړه.