د اسلامي امارت د فواید عامې وزارت سرپرست ملا محمد عیسی ثاني چې د یوه پلاوي په مشرۍ بامیان ولایت ته سفر کړی، ژمنه کړې چې د دغې لویې لارې د بیارغونې چارې به ژر پیل کړي.

آوا - بامیان: د بامیان ولایت مقام مطبوعاتي دفتر د یوې خبرپاڼې په خپرولو سره ویلي چې د ټولګټو وزارت سرپرست پرون جمعه (میزان ۲۸) د یوه پلاوي په مشرۍ بامیان ته ولاړ او هلته یې د بامیان له والی سره وکتل او نوموړي د باميان - غور له لويې لارې څخه ليدنه وکړه او ژمنه يې وکړه چې د دې لويې لارې د بيارغونې چارې به ژر پيل کړي.
 
د باميان والي مولوي عبدالله سرحدي د هېواد د فوايد عامې وزارت سرپرست ته د ښه راغلاست په ترڅ کې وويل: د باميان ولايت امنيت تامين شوى او د باميان خلک په سوله ييز او ورورولي کې ژوند کوي.
 
د باميان والي د باميان ولايت په مرکز او ولسواليو کې د ويجاړو شويو سړکونو د بيارغونې او ترميم غوښتنه وکړه او ويې ويل: د باميانو - غور - دایکندي لويه لاره د سپکو او درنو موټرو د تګ راتګ له امله ويجاړه شوې ده چې بايد ژر تر ژره يې کار وشي.
 
خو د فواید عامې وزارت سرپرست ملا محمد عیسی تڼی وايي: "په داسې حال کې چې د بامیان د والي نور وړاندیزونه د بامیان ولایت د سړکونو د جوړولو او ترمیم په تړاو وو، خو د فواید عامې وزارت هڅه کوي چې د بامیان د سړکونو د جوړولو لپاره کار وکړي.
 
د یادولو وړ ده چې د بامیان ولایت د یکاولنګ نمبر ۱ ولسوالۍ له مرکز څخه تر سرمکول «دشت قلعه» پورې د ۵۰ کیلومترو په مساحت سره د نورک سړک د بیارغونې چارې به ډیر ژر پیل شي.