آوا - کابل: نن چهارشنبه ( د عقرب ۲۴ مه) د مهاجرینو چارو وزارت مطبوعاتي دفتر په ایکس چینل کې یوه مقاله خپره کړې او لیکلي یې دي چې د کندهار ولایت د سپین بولدک سرحدي قوماندانۍ د راپور له مخې په دغو زندانونو کې ۶۷۷ کورنۍ شته چې ۳۶۹۴ تنه پکې شامل دي او ۵ تنه هغه بندیان دي چې له یادې پولې څخه په زوره هېواد ته راستانه شوي دي.

 

دغه وزارت زیاته کړې، چې د سپین بولدک په سرحدي اداره کې له ثبت وروسته د اسلامي امارت له لوري هرې کورنۍ ته لس زره افغانۍ وویشل شوې.

 

دغه راز د ننګرهار ولایت د تورخم د سرحداتو ریاست د معلوماتو له مخې، د ۱۸۰۶ کسانو په ګډون ۳۴۳ کورنۍ له پاکستان څخه په زوره راستنې شوې دي.

 

خبرپاڼه زیاتوي، چې دغه راستانه شوي کسان د نورو مرستو په موخه د یادو ولایتونو د کډوالۍ په دفترونو کې له نوم لیکنې وروسته د ملګرو ملتونو د کډوالو عالي کمېشنرۍ او د مهاجرت نړیوال سازمان دفترونو ته ور وپېژندل شول.

 

په همدې حال کې په افغانستان کې د ملګرو ملتونو د بشري مرستو د همغږۍ دفتر (OCHA) اعلان کړی چې د سپټمبر له نیمايي راهیسې له پاکستان څخه ۳۲۷۴۰۰ بې اسناده کډوال او کډوال افغانستان ته راستانه شوي دي.

 

باید وویل شي، چې پاکستان له اسنادو پرته د څه باندې ۱.۷ میلیونو کډوالو او پناه غوښتونکو د نیولو او شړلو لړۍ پیل کړې ده.