د اطلاعاتو او فرهنګ وزارت د هنر او فرهنګ معین مولوي عتيق الله عزيزي په ننګرهار کې د امريکا او اجيرې ادارې د تروريزم په باب د مستند فلمونو د څيړنې او ارزونې تر سرليک لاندې په جوړ شوي سيمينار کې وويل چې ددغه شان پروګرامونو په جوړولو سره به د هېواد اتلان او تاریخ به هیر نشي.

آوا - کابل: په ننګرهار ولایت کې د «امریکایي وحشت مستند فلمونو او اجیرانو ادارې د څارنې او ارزونې» تر عنوان لاندې سیمینار د شاعرانو، لیکوالانو، ولایتي چارواکو، لیکوالانو او د پوهنتون د استادانو په شتون کې جوړ شو.

په دغه سیمینار کې د ننګرهار د اطلاعاتو او فرهنګ رئیس نورمحمد حنیف وویل: د اسلامي امارت تر ملاتړ لاندې د ټولنې بېلابېلو طبقو د امریکايي اشغال په وړاندې زړورتیا او سرښندنې کړي او د دوی سرښندنې او کارنامې باید په تاریخ کې ثبت شي. 

په ورته وخت کې د اطلاعاتو او فرهنګ وزارت د هنر او فرهنګ وزير مولوي عتيق الله عزيزي ددغه شان پروګرامونو ترسره کول مهم او ارزښتناک وبلل او زياته يې کړه چې ددغه شان پروګرامونو په ترسره کولو سره به دخلکو اتلولي راژوندۍ شي او په هېواد کې به ددوى دزده کړې بهير پياوړى شي.

هغه دا هم وویل چې د دا ډول پروګرامونو ترسره کول به "زموږ راتلونکي نسل ته دا روښانه کړي چې د دوی مشرانو په خپلو لاسونو د امریکا او ناټو د اشغال په وړاندې جنګیدلی او موږ کولی شو خپل خلک د امریکا، ناټو او کورنیو جاسوسان ور وښیو."

ښاغلي عزيزي څرګنده کړه، چې د اطلاعاتو او فرهنګ وزارت هڅه کوي، چې د افغانستان په ټولو ولايتونو کې دا ډول پروګرامونه په لاره واچوي، څو "د امريکا د تروريزم تورونه راټول او مستند شي."

د يادونې وړ ده چې د دغه پروګرام تنظيموونکي چې زياتره يې د پوهنتونونو استادان وو، خپلې مقالې ولوستلې چې د امريکا د وحشت په اړه يې مستند کړي وو.