د کورنیو چارو وزارت چارواکي وايي، ترکیې او افغاني سرې میاشتې ټولنې په کابل کې په نشه یي توکو د روږدو د درملنې مرکزونو ته د سونګ موادو مرسته وکړه.

آوا - کابل: د کورنیو چارو وزارت د چهارشنبې په ورځ «قوس ۲۲» په یوه خبرپاڼه کې لیکلي، چې په دغو مرستو کې د سونګ توکو او غیر سونګ توکو شامل وو.
 
ویل شوي، چې په دغو مرستو کې ۹۰ ټنه سکاره، ۲۰ زره لیتره ډیزل تېل، ۳ زره لیټره پټرول، ۳۰ ټنه د اور وژنې لرګي، ۵ ټنه د جوینپر لرګي، ۶۰ ترکي بخاری او ۶۰ متره جامې شاملې دي.

د کورنیو چارو وزارت د ملکي چارو مرستیال مولوي عبدالرحمن قاسمي د ترکیې او افغاني سرې میاشتې ټولنې له مرستو څخه د مننې ترڅنګ له ټولو بنسټونو، سوداګرو او په ځانګړې توګه له نړیوالې ټولنې وغوښتل چې له نشه یي توکو سره د مبارزې په برخه کې له افغانستان سره مرسته وکړي.