سعودي عربستان په ۲۰۲۳ کال کې ۱۷۰ کسان اعدام کړي چې د تیر کال په پرتله زیات شوي دي.

آوا: ویل شوي چې د اعدام شویو کسانو له ډلې څخه څلور تنه یې د تیر کال په وروستۍ ورځ اعدام شوي.

د دې شمېر کسانو اعدام ته په پام سره، د ۲۰۲۲ کال په پرتله چې په سعودي عربستان کې ۱۴۷ کسان اعدام شوي وو، په ۲۰۲۳ کال کې په دغه هېواد کې د اعدام شویو کسانو شمېر زیات شوی دی.

د بشري حقونو فعالانو تل پر دغه هیواد نیوکې کړي او په سعودي عربستان کې یې د سختو سزاګانو غندنه کړې ده.

د AFP د راپور له مخې د سعودي چارواکو لخوا چمتو شوي احصایې پراساس، دا شاهي هیواد په ۲۰۱۹ کې ۱۸۷ کسان اعدام کړي وو.

د سعودي عربستان رسمي خبري آژانس خبر ورکړی دی چې هغه څلور کسان چې د نوي کال په آخري ورځ اعدام شوي وو د «قتل» په جرم په اعدام محکوم شول.

په هغو کسانو کې چې په ۲۰۲۳ کال کې په سعودي عربستان کې اعدام شول، ۳۳ تنه د ترهګرۍ په تړاو د جرمونو په ترسره کولو او دوه پوځیان د خیانت په تور نیول شوي وو.

یوازې په ۲۰۲۳ کال کې په سعودي عربستان کې ۳۸ کسان اعدام شول.

دغه هېواد د ۲۰۲۲ کال په مارچ میاشت کې په یوه ورځ کې ۸۱ کسان اعدام کړل.

په همدې حال کې د سعودي ولیعهد محمد بن سلمان هڅه کوي چې سعودي عربستان نړۍ ته ښه وښيي.