د غزني د پاسپورټ دفتر مسوولینو د ۳۲۲۰۵ پاسپورټونو د وېش او له دې برخې څخه د ۱۷۴ میلیونو افغانیو د عوایدو د راټولولو خبر ورکړی دی.

آوا - کابل: د غزني د پاسپورت ریاست چارواکو رسنیو ته ویلي، چې په تېر یوه کال کې دغه دفتر د ۳۲۲۰۵ پاسپورټونو له وېش څخه څه باندې ۱۷۴ میلیونه افغانۍ راټولې کړې او د هېواد خزانې ته یې سپارلې دي. 

ویل کېږي چې په وروستیو میاشتو کې د پاسپورټونو د وېش لړۍ یو څه اسانه شوې ده.

د پاسپورت ریاست چارواکو په دې وروستیو کې اعلان وکړ چې په کابل کې به د پاسپورټونو د ویش څلور نوي مرکزونه جوړ کړي.