آوا – مزار شریف: د سمنګان – بلخ پر لویه لار د چهچیل په سیمه کې د ترافیکی پېښې له امله ۵ تنه وژل شوی او ۲۱ نور ټپیان شوی دی.

 

د سمنګان ولایت سیمه ییز چارواکي زیاتوي، چې دغه پېښه د یوه ډانا ډوله موټر له چپه کېدو وروسته رامنځته شوې ده.

 

ويل کيږي چې په دې پيښه کې د ١٥ تنو ټپيانو روغتيايي حالت خراب بلل شوى دى.

 

د يادونې وړ ده، چې د موټر چلولو له اصولو نه سرغړونه او د سړکونو خرابوالى په هېواد کې د ترافيکي پېښو تر ټولو مهم لاملونه دي.