په لبنان کښې د حزب الله د عمومی منشی سید حسن نصرالله له شهادت وروسته د حضرت آیت ا... العظمی سیستانی (مد ظلا) دفتر ټینګار وکړ چې د مقاومت دغه ستر مشر له نیواکګرو څخه د لبنان په آزادولو کښې غوره رول ولوباوه او د داعش ترهګرو په ماتولو کې یې له عراقیانو سره ډیره مرسته وکړه.
دخپریدو نیټه :شنبه ۷ میزان ۱۴۰۳ ساعت ۲۱:۲۳
د مطلب کود : 297553
افغان غږ خبری آژانس: د سید حسن نصرالله د شهادت په مناسبت د آیت الله سیستانی نجف اشرف له دفتر څخه په یوه پیغام کې راغلی دی:
بسمالله الرحمن الرحیم
د لبنان د مقاومت د مشر سید حسن نصرالله د شهادت خبر ترلاسه کړ چی د اسرائیلو دښمنانو د جنایت په نتیجه کې شهید شول او په دی برید کی په لسګونو بیګناه کیان شهیدان شول.
دغه ستر شهید په وروستیو لسیزو کې د بې مثاله رهبرۍ بېلګه وه چې د لبنان د خاورې په ازادولو کې یې د اسرائیلي اشغالګرو په بریا کې مهم رول لوبولی او د داعش تروریستانو له منګولو څخه د عراق په ازادولو کې په ټول توان سره د عراق د ولس ملاتړ کړی دی. همدارنګه د فلسطین له مظلومو خلکو سره د مرستې په لاره کې یې غوره دریځ خپل کړ او په دې لاره کې یې خپل ارزښتناک ژوند قربان کړ.
موږ د لبنان ګرانو ولسونو او نورو مظلومو ولسونو ته د دې سترې غمیزې او سترې ضایعې له امله د تسلیت مراتب وړاندې کوو او د لوی خدای (ج) له درباره دعا کوو چې دغه شهید ته د خپل لوی رحمت او فضل او د هغه له ساتونکو او د هغه د ګران پیغمبر حضرت محمد ص او د هغه د پاک لمنې کورنۍ سره یو ځای کړي.
د آیت الله سیستانی دفتر نجف اشرف
avapress.net/vdcgnu9xwak9yn4.1gra.html
ډیری لیدل شوي
