د پاکستان د ملي اسمبلۍ پخوانی غړی: د قانوني مهاجرینو ایستل له بشري حقونو څخه ښکاره سرغړونه ده

افغان غږ خبری آژانس: نوموړي تیره ورځ په ایکس پاڼه کې دا موضوع مطرح کړې او په یوه مقاله کې یې له پاکستاني چارواکو څخه غوښتي چې ولې د ښځو او ماشومانو په ګډون د اعتبار وړ ویزې او اسناد لرونکي کسان باید ونیول شي. داوړ دغه اقدامات د مهاجرینو سره د غیر عادلانه چلند او په ټولنه کې د زینوفوبیا او ژور نفرت استازیتوب په اړه د مخ په زیاتیدونکي اندیښنو لامل هم وګڼل.
د پاکستان د ملي اسمبلۍ دغه پخوانۍ غړې وايي، د افغان مهاجرو اخراج قانوني بنسټ لري، چې له بشري حقونو څخه جدي سرغړونه ده.
په ورته وخت کې په پاکستان کې یو شمېر افغان کډوال اندېښنه څرګندوي او وايي چې له نوي کال وروسته اسلام اباد د افغان اتباعو د اجباري شړلو لړۍ تیزه کړې او پاکستاني پولیسو یې په کور دننه پلټنې پیل کړې دي.
تر اوسه پاکستاني چارواکو په دې اړه څه نه دي ویلي.
تر دې وړاندې نړیوالو سازمانونو او د بشري حقونو بنسټونو د دا ډول پېښو د څېړلو او په دغه هېواد کې د افغان کډوالو پر وړاندې د ناسم چلند د بندولو لپاره د ژر اقدام غوښتنه کړې ده.
د یادولو وړ ده چې پاکستان له اسلامي امارت سره د کړکیچ له زیاتیدو وروسته د مهاجرینو د ایستلو بهیر بیا پیل کړی دی.